தமிழக வெற்றி கழகத்தின் தலைவரும் நடிகருமான விஜய் குறித்து கடந்த சில நாட்களாக விவாகரத்து விவகாரம் பரபரப்பை ஏற்படுத்தி வருகிறது. அவரது மனைவி சங்கீதா, விஜய் மீது திருமணத்தை மீறிய உறவு குற்றச்சாட்டுடன் செங்கல்பட்டு குடும்ப நல நீதிமன்றத்தில் விவாகரத்து மனு தாக்கல் செய்துள்ளதாக தகவல்கள் வெளியாகியுள்ளன.

இந்த தகவல்கள் வெளிவந்ததையடுத்து, ரசிகர்கள் மற்றும் கட்சியினர் மத்தியில் அதிர்ச்சி நிலை ஏற்பட்டது. இதற்கிடையில், திரிஷா உடன் திருமண விழாவில் விஜய் கலந்து கொண்டது மேலும் விவாதத்தை தூண்டியது. சமூக வலைதளங்களில் இது குறித்து பல்வேறு கருத்துக்கள் பகிரப்பட்டன.

மகளிர் தின நிகழ்ச்சியில் பேசிய விஜய், தனது தனிப்பட்ட வாழ்க்கை குறித்து மறைமுகமாக பதிலளித்ததாக கூறப்படுகிறது. “அந்த விஷயம் பெரிதாக எடுத்துக்கொள்ள வேண்டியதில்லை” என்ற அவரது கருத்து ரசிகர்கள் மத்தியில் பரவலாக பேசப்பட்டது.

இந்நிலையில், ஏப்ரல் 20ஆம் தேதி இந்த வழக்கு விசாரணைக்கு வரவுள்ளது. இதனால் விஜய் மற்றும் சங்கீதா இருவரும் நீதிமன்றத்தில் நேரில் ஆஜராக வேண்டிய சூழல் ஏற்பட்டுள்ளது. இந்த சந்திப்பு குறித்து அரசியல் மற்றும் சினிமா வட்டாரங்களில் பரபரப்பு அதிகரித்துள்ளது.

மேலும், இரு தரப்பினரும் சமரச பேச்சுவார்த்தையில் ஈடுபட்டதாக தகவல்கள் இருந்தாலும், வழக்கு விசாரணை நாளை நடைபெற இருப்பதால், இந்த விவகாரம் எந்த திசையில் நகரும் என்பது குறித்து அனைவரும் கவனித்து வருகின்றனர்.