தமிழக அரசியலில் பெண்களின் பிரதிநிதித்துவம் அதிகரித்து வரும் நிலையில், தவெக கட்சியின் வெற்றி பட்டியலில் 13 பெண் எம்எல்ஏக்கள் இடம்பெற்றிருப்பது கவனத்தை ஈர்த்துள்ளது. இந்த தேர்தலில் தவெக சார்பில் மொத்தம் 23 பெண்கள் போட்டியிட்ட நிலையில், அதில் 13 பேர் வெற்றி பெற்று சட்டமன்றத்திற்கு தேர்வு செய்யப்பட்டுள்ளனர்.
வெற்றி பெற்றவர்களில் அவிநாசியில் கமலி, கவுண்டம்பாளையத்தில் கனிமொழி சந்தோஷ், ராஜபாளையத்தில் ஜெகதீஸ்வரி, சிவகங்கையில் குழந்தை ராணி, சிவகாசியில் கீர்த்தனா, கிருஷ்ணராயபுரத்தில் சத்யா, திருப்பூர் வடக்கில் சத்யபாமா, பல்லாவரத்தில் காமாட்சி, திரு.வி.க.நகரில் பல்லவி, ராணிப்பேட்டையில் தாஹிரா, குடியாத்தத்தில் சிந்து, குமாரபாளையத்தில் விஜயலட்சுமி, பவானிசாகரில் தமிழ்செல்வி ஆகியோர் அடங்குவர்.
இந்த வெற்றி, பெண்கள் அரசியலில் முன்னேறும் புதிய பாதையை உருவாக்குவதாக அரசியல் ஆய்வாளர்கள் கருதுகின்றனர். சமூகத்தின் பல்வேறு பிரிவுகளை பிரதிநிதித்துவப்படுத்தும் இந்த பெண்கள், எதிர்காலத்தில் சட்டமன்ற விவாதங்களில் முக்கிய பங்காற்றுவார்கள் என எதிர்பார்க்கப்படுகிறது.
பெண்களுக்கு அரசியலில் அதிக வாய்ப்பு வழங்கும் நோக்கில் கட்சிகள் எடுத்துவரும் முயற்சிகள் பலன் அளித்து வருவதை இந்த முடிவு காட்டுகிறது. பெண்களின் அரசியல் பங்கேற்பு மற்றும் ஆட்சியில் அவர்களின் குரல் வலுப்பெறும் வகையில் இது ஒரு முக்கிய முன்னேற்றமாக பார்க்கப்படுகிறது.
