மறைமலை அடிகள் பிறந்தநாள், காமராஜர் பிறந்தநாள், தேவராஜ் நினைவு நாளை முன்னிட்டு மறைமலைநகரில் பல்வேறு நிகழ்ச்சிகள் நடைபெற்றன.

🌸 மறைமலை அடிகள் பிறந்தநாள் விழா

தனித்தமிழ் இயக்கத்தின் தந்தையாகப் போற்றப்படும் மறைமலை அடிகளின் 150-வது பிறந்தநாள் விழா செங்கல்பட்டு மாவட்டம் மறைமலைநகரில் மரியாதையுடன் கொண்டாடப்பட்டது. விழாவில் பள்ளிக்கல்வித்துறை அமைச்சர் ராஜ்மோகன் மற்றும் மனிதவள மேலாண்மைத் துறை அமைச்சரும், செங்கல்பட்டு மாவட்ட பொறுப்பு அமைச்சருமான சரத்குமார் ஆகியோர் கலந்து கொண்டு மறைமலை அடிகளின் உருவப்படத்திற்கு மலர்தூவி மரியாதை செலுத்தினர். நிகழ்ச்சியில் மாவட்ட ஆட்சியர் வீரப்பன், தாம்பரம் மாநகராட்சி ஆணையர் பாலச்சந்தர், பல்லாவரம் சட்டமன்ற உறுப்பினர் காமாட்சி உள்ளிட்ட அரசு அதிகாரிகள் மற்றும் பொதுமக்களும் பங்கேற்றனர். தமிழ்மொழி வளர்ச்சிக்கும், தனித்தமிழ் இயக்கத்திற்கும் மறைமலை அடிகள் ஆற்றிய பங்களிப்பு குறித்து விழாவில் நினைவுகூரப்பட்டது.

🌹 விடுதலை சிறுத்தைகள் கட்சியின் மரியாதை

செங்கல்பட்டு மாவட்ட விடுதலை சிறுத்தைகள் கட்சி சார்பில், மாவட்ட செயலாளர் கேது தென்னவன் தலைமையில் காமராஜர் பிறந்தநாளும், தியாகத் தந்தை தொல்காப்பியர் நினைவு நாளும் அனுசரிக்கப்பட்டது. இதனை முன்னிட்டு மறைமலைநகரில் அமைக்கப்பட்டிருந்த உருவப்படங்களுக்கு மாலை அணிவித்து மலர்தூவி வீரவணக்கம் செலுத்தப்பட்டது. இதில் மாவட்ட, ஒன்றிய மற்றும் நகர நிர்வாகிகள், கட்சியின் பல்வேறு பொறுப்பாளர்கள் மற்றும் தொண்டர்கள் கலந்து கொண்டு தலைவர்களின் சமூகப்பணி, கல்வி மற்றும் தமிழுக்கான அர்ப்பணிப்பை நினைவுகூர்ந்தனர்.

🚩 மார்க்சிஸ்ட் கட்சி தலைவர் தேவராஜ் நினைவு நாள்

இந்திய கம்யூனிஸ்ட் கட்சி (மார்க்சிஸ்ட்) தலைவர் செங்கல்பட்டு தேவராஜின் 25-வது ஆண்டு நினைவு நாள்  (ஜூலை 14) அனுசரிக்கப்பட்டது. பகுதிச் செயலாளர் தலைமையில் நடைபெற்ற நிகழ்ச்சியில் கட்சி நிர்வாகிகள் என். அன்பு, என். அருணாச்சலம், தா. சம்சன், தசரதன் உள்ளிட்டோர் அவரது உருவப்படத்திற்கு மலரஞ்சலி செலுத்தி செவ்வணக்கம் தெரிவித்தனர். தொழிலாளர் உரிமைகள், பொதுமக்கள் நலன் மற்றும் சமூக நீதி ஆகிய துறைகளில் தேவராஜ் ஆற்றிய சேவைகளை நினைவுகூர்ந்த அவர்கள், அவரது கொள்கைகளை தொடர்ந்து முன்னெடுத்து செல்ல உறுதியேற்றனர்.