மதுராந்தகம் அருகே கல்பாக்கம் பகுதியில் நீடித்து வரும் எல்லை விவகார பிரச்னை காரணமாக, போலீஸ் பாதுகாப்புடன் ஜமாபந்தி கூட்டம் நடைபெற்றது.
கல்பாக்கம் அருகிலுள்ள புதுப்பட்டினம் குப்பம் மற்றும் வாயலூர் உய்யாலிகுப்பம் மீனவ கிராமங்களுக்கு இடையிலான எல்லை பிரச்னை கடந்த 2024 முதல் நீடித்து வருகிறது. இந்த விவகாரத்தில் நிரந்தர தீர்வு கோரி உய்யாலிகுப்பம் மீனவர்கள் செங்கல்பட்டு நீதிமன்றத்தில் வழக்கு தொடர்ந்துள்ள நிலையில், அது தற்போது விசாரணையில் உள்ளது.
இதற்கிடையே, கடந்த பிப்ரவரி மாதம் கோவில் சுவாமி உತ್ಸವ நிகழ்வை ஒட்டி இருதரப்பினருக்கும் இடையே மோதல் ஏற்பட்டது. இந்த சம்பவத்தில் இருதரப்பிலும் தலா 12 பேர் கைது செய்யப்பட்டு பின்னர் ஜாமினில் விடுவிக்கப்பட்டனர்.
இந்நிலையில், புதுப்பட்டினம் மற்றும் வாயலூர் உள்ளிட்ட பகுதிகளுக்கான ஜமாபந்தி கூட்டம் நேற்று திருக்கழுக்குன்றம் தாலுகா அலுவலகத்தில் நடைபெற்றது. இருதரப்பினரும் தங்களது கோரிக்கை மனுக்களை அளிக்க வந்ததால், பாதுகாப்பு முன்னெச்சரிக்கை நடவடிக்கையாக திருக்கழுக்குன்றம் போலீஸ் இன்ஸ்பெக்டர் சுரேஷ் தலைமையில் போலீசார் முகாமிட்டு கண்காணிப்பு பணியில் ஈடுபட்டனர்.
அதேநேரத்தில், மதுராந்தகம் தாசில்தார் அலுவலகத்தில் நடைபெற்ற ஜமாபந்தி கூட்டத்தில் வையாவூர் உள்வட்டத்தைச் சேர்ந்த 18 கிராம மக்கள் பங்கேற்றனர். வீட்டுமனை பட்டா, பட்டா மாறுதல், ரேஷன் அட்டை, முதியோர் மற்றும் விதவை உதவித்தொகை உள்ளிட்ட கோரிக்கைகள் தொடர்பாக மொத்தம் 168 மனுக்கள் பெறப்பட்டன.
