தமிழக சட்டசபைக் கூட்டத்தொடர் விரைவில் கூட உள்ள நிலையில், திமுக சட்டமன்ற உறுப்பினர்களுடன் அக்கட்சியின் தலைவர் மு.க.ஸ்டாலின் இன்று முக்கிய ஆலோசனை நடத்தினார்.
சென்னை அண்ணா அறிவாலயத்தில் நடைபெற்ற இந்த திமுக சட்டமன்ற உறுப்பினர்கள் கூட்டத்திற்குத் தலைவரும் சட்டமன்ற எதிர்க்கட்சித் தலைவருமான மு.க.ஸ்டாலின் தலைமை தாங்கினார். கூட்டத்தில் கட்சியின் அனைத்து சட்டமன்ற உறுப்பினர்களும், முக்கிய நிர்வாகிகளும் கலந்துகொண்டனர். சட்டசபைக் கூட்டத்தொடர் தொடங்க உள்ள சூழலில், அவையில் திமுக எம்எல்ஏக்கள் எவ்வாறு செயல்பட வேண்டும் மற்றும் மக்கள் பிரச்சினைகளை எவ்வாறு எழுப்ப வேண்டும் என்பது குறித்து இந்தக் கூட்டத்தில் விரிவாக விவாதிக்கப்பட்டது.
குறிப்பாக, அண்மைகாலமாக அரசியல் வட்டாரத்தில் பெரும் அதிர்வலைகளை ஏற்படுத்தி வரும் அதிமுக எம்எல்ஏக்கள் குதிரை பேரம் விவகாரம் குறித்து இக்கூட்டத்தில் முக்கியமாக ஆலோசிக்கப்பட்டது. தற்போதைய தவெக ஆட்சியில் அதிமுக எம்எல்ஏக்கள் சிலர் ராஜினாமா செய்துள்ள சூழலில், இந்த விவகாரத்தைச் சட்டசபையில் எவ்வித உத்திகளுடன் கையாள்வது என்பது குறித்துப் பேசப்பட்டது. மேலும், தவெக அரசின் நிதியமைச்சர் மரிய வில்சன் அண்மையில் வெளியிட்ட தமிழகத்தின் நிதிநிலை குறித்த வெள்ளை அறிக்கை மற்றும் கடன் சுமை விபரங்கள் குறித்தும், அதற்குச் சபையில் திமுக சார்பில் அளிக்க வேண்டிய விளக்கங்கள் மற்றும் பதிலடிகள் குறித்தும் மு.க.ஸ்டாலின் தனது கட்சி எம்எல்ஏக்களுக்கு ஆலோசனைகளையும் வழிகாட்டுதல்களையும் வழங்கினார். சட்டசபை கூடுவதற்கு முன்பாக நடைபெற்ற திமுக-வின் இந்த அவசர ஆலோசனைக்கூட்டம் கோட்டை வட்டாரத்தில் பெரும் விறுவிறுப்பை ஏற்படுத்தியுள்ளது.
