உலக நீர்நாய் தினத்தை முன்னிட்டு, வண்டலூர் அறிஞர் அண்ணா உயிரியல் பூங்காவில் சிறப்பு விழிப்புணர்வு நிகழ்ச்சி நடத்தப்பட்டது. இதில் மாணவர்கள் மற்றும் இயற்கை ஆர்வலர்கள் பங்கேற்று நீர்நாய் இனங்களின் முக்கியத்துவம் குறித்து அறிந்துகொண்டனர்.
நீர்நாய்கள் நன்னீர் சூழலியல் அமைப்பின் ஆரோக்கியத்தை பாதுகாக்கும் முக்கிய உயிரினங்களாக கருதப்படுகின்றன. அவை வாழும் பகுதிகளில் நீர்நிலைகளின் தரம் மற்றும் உயிரியல் சமநிலை பேணப்படுவதாக வல்லுநர்கள் தெரிவிக்கின்றனர்.
இந்த நிகழ்ச்சியில், நீர்நாய் இனங்களின் வாழ்க்கை முறை, உணவுப் பழக்கம், இனப்பெருக்கம் மற்றும் அவற்றின் சுற்றுச்சூழல் பங்கு குறித்து மாணவர்களுக்கு விளக்கமளிக்கப்பட்டது. மேலும், நீர்நாய்கள் எதிர்கொள்ளும் வாழ்விட இழப்பு, நீர் மாசுபாடு, சட்டவிரோத வேட்டை மற்றும் மனிதர்களின் தலையீடு போன்ற அச்சுறுத்தல்கள் குறித்தும் விழிப்புணர்வு ஏற்படுத்தப்பட்டது.
நன்னீர் ஏரிகள், குளங்கள், ஆறுகள் மற்றும் ஈரநிலங்களை பாதுகாப்பதன் மூலம் மட்டுமே நீர்நாய் இனங்களை காப்பாற்ற முடியும் என்பதை வல்லுநர்கள் வலியுறுத்தினர். எதிர்கால தலைமுறையினரிடையே சுற்றுச்சூழல் பாதுகாப்பு குறித்த பொறுப்புணர்வை வளர்க்கும் நோக்கில் இந்த நிகழ்ச்சி நடத்தப்பட்டதாக உயிரியல் பூங்கா நிர்வாகம் தெரிவித்துள்ளது.
நிகழ்ச்சியின் போது மாணவர்களுக்கு தகவல் கையேடுகள் வழங்கப்பட்டதுடன், வினாடி-வினா மற்றும் கலந்துரையாடல் நிகழ்ச்சிகளும் நடைபெற்றன. இந்த முயற்சி மாணவர்களிடையே உயிரின பாதுகாப்பு மற்றும் இயற்கை வளங்களின் முக்கியத்துவம் குறித்த விழிப்புணர்வை அதிகரித்தது.
