இன்றைய அவசர உலகில் ரசாயனம் கலந்த அழகு சாதனப் பொருட்களைத் தேடி ஓடுவதை விட, நம் வீட்டுச் சமையலறையில் உள்ள பொருட்களைக் கொண்டு ஜொலிக்கும் சருமத்தைப் பெற முடியும். உலக அழகி பிரியங்கா சோப்ராவின் தாயார் மது சோப்ரா, தனது மகளின் ஜொலிக்கும் சருமத்திற்குப் பின்னால் இருக்கும் அந்தப் பாரம்பரிய ‘உப்தன்’ (Ubtan) ரகசியத்தை அண்மையில் பகிர்ந்துள்ளார்.

இந்தியக் கலாச்சாரத்தில் திருமணத்திற்கு முன்னதாக மணமகன் மற்றும் மணமகளுக்குச் சருமத்தைப் பொலிவாக்கப் பூசப்படும் ஒரு இயற்கை கலவைதான் இந்த உப்தன். இதை முறையாகப் பயன்படுத்தினால் முகத்தில் உள்ள தேவையற்ற முடிகள் நீங்குவதுடன், கரும்புள்ளிகள் மறைந்து முகம் தங்கம் போல ஜொலிக்கும்.

மது சோப்ரா பரிந்துரைக்கும் ‘உப்தன்’ செய்முறை

இதற்குத் தேவையான பொருட்கள் மிக எளிமையானவை:

கடலை மாவு: 2 தேக்கரண்டி (சருமத்தை சுத்தம் செய்ய)

மஞ்சள் தூள்: ஒரு சிட்டிகை (கிருமி நாசினி மற்றும் பொலிவு தர)

சந்தனத் தூள்: 1 தேக்கரண்டி (சருமத்தைக் குளிர்ச்சியாக்க)

எலுமிச்சை சாறு: சில துளிகள் (இயற்கை பிளீச்சிங் முகவர்)

பால் அல்லது தயிர்: தேவையான அளவு (சருமத்தை மென்மையாக்க)

ரோஸ் வாட்டர்: ஒரு ஸ்பூன்

மேற்கூறிய அனைத்துப் பொருட்களையும் ஒரு கிண்ணத்தில் போட்டு நன்கு குழைத்து பேஸ்ட் போல ஆக்கிக் கொள்ளவும். முகத்தை முதலில் துடைத்துவிட்டு, இந்தக் கலவையை முகம் மற்றும் கழுத்துப் பகுதிகளில் சீராகத் தடவவும். சுமார் 15 முதல் 20 நிமிடங்கள் வரை அப்படியே உலர விடவும்.

முக்கியமான பகுதி இதுதான்: முழுவதுமாக காய்ந்த பிறகு, தண்ணீரைத் தெளிக்காமல் கைகளால் மெதுவாகத் தேய்த்து (Scrub) உதிர்க்க வேண்டும். இப்படிச் செய்வதால் முகத்தில் உள்ள இறந்த செல்கள் மற்றும் நுண் முடிகள் நீங்கும். அதன்பின்னர் குளிர்ந்த நீரால் முகத்தைக் கழுவினால், உடனடியாக ஒரு பிரகாசத்தை உங்களால் உணர முடியும்.

மது சோப்ரா தனது குறிப்பில், உப்தன் பயன்படுத்திய பிறகு குறைந்தது 6 மணி நேரத்திற்குச் சோப் அல்லது ஃபேஸ் வாஷ் பயன்படுத்த வேண்டாம் என்று அறிவுறுத்துகிறார். சோப்பில் உள்ள ரசாயனங்கள் உப்தனின் இயற்கையான எண்ணெய்ப் பசையை நீக்கிவிடக்கூடும். வாரத்திற்கு இரண்டு முறை இதைச் செய்து வந்தால், பார்லர் செல்லாமலேயே உங்கள் முகம் எப்போதும் பளபளப்பாக இருக்கும்.