வேலூரில் செய்தியாளர்களைச் சந்தித்த கைத்தறித்துறை அமைச்சர் விஜய் பாலாஜி, விலையில்லா வேட்டி சேலைகள் முழுமையாகத் தமிழக நெசவாளர்களிடம் மட்டுமே கொள்முதல் செய்யப்படும் என்றும், மாற்றுத்திறனாளிகள் வாகனப் பறிமுதல் விவகாரத்தில் உரிய நடவடிக்கை எடுக்கப்படும் என்றும் தெரிவித்தார்.
வேலூரில் செய்தியாளர்களைச் சந்தித்த கைத்தறித்துறை அமைச்சர் விஜய் பாலாஜி, விலையில்லா வேட்டி சேலைகள் முழுமையாகத் தமிழக நெசவாளர்களிடம் மட்டுமே கொள்முதல் செய்யப்படும் என்றும், மாற்றுத்திறனாளிகள் வாகனப் பறிமுதல் விவகாரத்தில் உரிய நடவடிக்கை எடுக்கப்படும் என்றும் தெரிவித்தார்.வேலூரில் செய்தியாளர்களைச் சந்தித்த கைத்தறித்துறை அமைச்சர் விஜய் பாலாஜி, விலையில்லா வேட்டி சேலைகள் முழுமையாகத் தமிழக நெசவாளர்களிடம் மட்டுமே கொள்முதல் செய்யப்படும் என்றும், மாற்றுத்திறனாளிகள் வாகனப் பறிமுதல் விவகாரத்தில் உரிய நடவடிக்கை எடுக்கப்படும் என்றும் தெரிவித்தார்.தமிழகத்தில் ஏழை எளிய மக்களுக்கு வழங்கப்படும் விலையில்லா வேட்டி, சேலைகள் இனி முழுமையாகத் தமிழகத்திலேயே உள்ள கைத்தறி மற்றும் விசைத்தறி நெசவாளர்களிடம் மட்டுமே கொள்முதல் செய்யப்பட்டு விநியோகிக்கப்படும் எனத் துணிநூல் மற்றும் கைத்தறித்துறை அமைச்சர் விஜய் பாலாஜி அதிரடியாக அறிவித்துள்ளார்.
வேலூர் மாவட்ட ஆட்சியர் அலுவலகத்தில், ஆட்சியர் லீலா அலெக்ஸ் தலைமையில் அனைத்துத் துறை அரசு உயர் அதிகாரிகளுடனான ஆலோசனைக் கூட்டம் நடைபெற்றது. இந்த ஆய்வுக் கூட்டத்தில் சிறப்பு உள்கட்டமைப்பு வழிகாட்டுதல்களை வழங்கிய பின்னர், கைத்தறித்துறை அமைச்சர் விஜய் பாலாஜி செய்தியாளர்களைச் சந்தித்துப் பேசினார். அப்போது அவர், “அரசு அதிகாரிகளுடனான இந்தச் சந்திப்பு மிகச் சிறப்பான முறையில் அமைந்தது. மாவட்டத்தின் முதன்மைப் பிரச்சினைகளான போக்குவரத்து நெரிசல் மற்றும் பாலாற்று உள்கட்டமைப்பு விவகாரங்கள் குறித்து விரிவாகக் கலந்தாலோசிக்கப்பட்டது. குறிப்பாக, வேலூர் நகரில் நீண்ட நாட்களாகப் பொதுமக்களுக்கு இடையூறாக இருக்கும் பாதாளச் சாக்கடைப் பணிகளை வரும் ஜூலை 15-ஆம் தேதிக்குள் போர்க்கால அடிப்படையில் முழுமையாக முடிக்கக் கறாரான உத்தரவு பிறப்பிக்கப்பட்டுள்ளது” என்று விவரித்தார்.
தொடர்ந்து நெசவாளர்களின் வாழ்வாதாரம் மற்றும் கடந்த கால முறைகேடுகள் குறித்துப் பேசிய அமைச்சர், “கடந்த எதிர்க்கட்சி ஆட்சியில் விலையில்லா வேட்டி, சேலைகளுக்கான துணிகள் வெளிமாநிலங்களில் இருந்து விதிகளுக்குப் புறம்பாகக் கொள்முதல் செய்யப்பட்டன. ஆனால், எங்களது தவெக ஆட்சியில் அந்த நிலை முற்றிலும் மாற்றப்பட்டு, முழுமையாகத் தமிழகத்தைச் சேர்ந்த கைத்தறி மற்றும் விசைத்தறி நெசவாளர்களிடம் இருந்து மட்டுமே கொள்முதல் செய்யப்படும். நெசவாளர்களின் கூலியில் அரசு பிடித்தம் செய்வதைக் காரணமாகக் காட்டி, தனியார் நிறுவனங்களும் கூலையைக் குறைத்து வழங்குவதைத் தடுக்க அரசு உறைப்பான தார்மீக நடவடிக்கைகளை எடுக்கும். பருத்தி விலை உயர்வால் பின்னலாடை உற்பத்தி பாதிக்காத வண்ணம், நூல் விலையைக் கட்டுப்படுத்த தற்காலிகமாக 11 சதவீத ஜி.எஸ்.டி (GST) வரி குறைக்கப்பட்டுள்ளது நெசவாளர்களுக்குப் பெரும் நிம்மதியை அளித்துள்ளது. இனி அரசே நேரடியாகப் பருத்தியைக் கொள்முதல் செய்து நூல் தயாரிக்கும் பணிகளையும் மேற்கொள்ளும். கோ-ஆப்டெக்ஸ் (Co-optex) நிறுவனத்தின் விற்பனையை நவீன உள்கட்டமைப்பு வசதிகளுடன் அதிகரிக்கத் திட்டமிட்டுள்ளோம்” என்றார்.
மேலும், செய்தியாளர்களின் முக்கியக் கேள்விகளுக்குப் பதிலளித்த அமைச்சர், “மேல் அரசம்பட்டு அணை கட்டுவதற்கு அடிக்கல் நாட்டப்பட்டும் பணிகள் முடங்கியிருப்பது குறித்துக் கேட்கப்பட்டது; மக்கள் நம்பி வாக்களித்த அரசு இது என்பதால் அனைத்துப் பணிகளும் விரைவில் துரிதப்படுத்தப்படும். அதேபோல், கடந்த ஆட்சியில் மாற்றுத்திறனாளிகளுக்கு வழங்கப்பட்ட மூன்று சக்கர மோட்டார் வாகனங்கள் தற்பொழுது திரும்பப் பெறப்பட்டுள்ளதாக எழுந்துள்ள புகார்கள் குறித்துத் தனிப்படை அமைத்து விரிவாக விசாரித்து, பாதிக்கப்பட்ட மாற்றுத்திறனாளிகளுக்குப் பாரபட்சமின்றி மீண்டும் வாகனங்கள் கிடைக்க உரிய உறைப்பான நடவடிக்கை எடுக்கப்படும்” எனத் திட்டவட்டமாகத் தெரிவித்தார்.
